Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
4-10-2019, 08:51   Ангилал: ---  

Шүүхийн ерөнхий зөвлөл Улсын үзлэгт “А” үнэлгээ авав

Шүүхийн ерөнхий зөвлөл төрийн байгууллагын ажлын зохион байгуулалт, архив, албан хэрэг хөтлөлтийн улсын үзлэг (Улсын үзлэг)-т "А” үнэлгээ авлаа.  Улсын үзлэгийг Шүүхийн ерөнхий зөвлөлд 2019 оны есдүгээр сарын 30-наас энэ сарын 2-ныг хүртэл зохион байгуулж, өнөөдөр дүнгээ танилцуулсан юм. 

Улсын үзлэгийн ажлын хэсгийг Эрчим хүчний яамны Төрийн нарийн бичгийн дарга З.Мэндсайхан даргалж, Төрийн албаны зөвлөлийн Ажлын албаны Захиргаа, удирдлагын газрын даргын албан үүргийг түр орлон гүйцэтгэгч Э.Эрдэнэхишиг албан хэрэг хөтлөлтийн үйл ажиллагааг шалгаж, дүгнэв. Мөн Архивын ерөнхий газрын Мэдээллийн технологийн хэлтсийн даргын албан үүргийг түр орлон гүйцэтгэгч Д.Батжаргал байгууллагын ажлын зохион байгуулалт болон байгууллагын архив, албан хэрэг хөтлөлтөд мэдээллийн технологи нэвтрүүлэх, цахим сан бүрдүүлж буй байдлыг, Үндэсний төв архивын Лавлагаа, үйлчилгээний төвийн эрхлэгч С.Шижирбаатар архивын үйл ажиллагааг шалгаж, дүнгээ танилцууллаа. 

Шүүхийн ерөнхий зөвлөл Улсын үзлэгт “А” үнэлгээ авав  

Ажлын хэсэг Шүүхийн ерөнхий зөвлөлийн ажлын зохион байгуулалт, архивын үйл ажиллагаа, цахимжуулалт хангалттай сайн байгааг үнэлж, гурван жилийн өмнө Шүүхийн төрөлжсөн архив байгуулсныг онцлон тэмдэглэв. 

Шүүхийн ерөнхий зөвлөлийн Гүйцэтгэх нарийн бичгийн дарга О.Амгаланбаатар Улсын үзлэгийн ажлын хэсэгт талархсанаа илэрхийлээд үзлэгийн дүгнэлт, зөвлөмжийн дагуу төлөвлөгөө гаргаж ажиллахыг нэгжүүдэд үүрэг болгосон юм. Мөн ХБНГУ-ын Засгийн газраас шүүхийг цахимжуулахад 1.5 тэрбум төгрөгийн тусламж үзүүлэх шийдвэр гаргасныг дуулгаад шүүхийн цахим үйлчилгээ, мэдээллийн аюулгүй байдалд том алхам болохыг онцоллоо.

 

Шүүхийн хэвлэл мэдээллийн хэлтэс

 

 

Нийтэлсэн khevlel   Үзсэн: 544  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Аравдугаар сар 2019    »
MonTueWedThuFriSatSun
 123456
78910111213
14151617181920
21222324252627
28293031