Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
22-11-2019, 04:22   Ангилал: ---  

Монгол Улсын шүүхэд 1.5 тэрбум төгрөгийн үнэ бүхий төхөөрөмж хүлээлгэж өглөө

ХБНГУ-ын Засгийн газраас шүүхийн мэдээллийн аюулгүй байдлыг хангаж, хамгаалахад 1.5 тэрбум төгрөгийн буцалтгүй тусламж үзүүлэхээр шийдвэрлэсэн. Энэ хүрээнд "Германы олон улсын хамтын ажиллагааны нийгэмлэг”-ээс 1.5 тэрбум төгрөгийн өртөг бүхий мэдээллийн аюулгүй байдлын цогц төхөөрөмжийг өнөөдөр Шүүхийн ерөнхий зөвлөлд хүлээлгэн өглөө.

Шүүхийн ерөнхий зөвлөлийн дарга Э.Батбаяр, Гүйцэтгэх нарийн бичгийн дарга О.Амгаланбаатар нарт "Германы олон улсын хамтын ажиллагааны нийгэмлэг”-ийн "Эдийн засгийн тогтвортой хөгжлийн эрх зүйн орчинг баталгаажуулах” төслийн менежер Б.Энх-Амгалан мэдээллийн аюулгүй байдлын цогц төхөөрөмжийг танилцуулж, нийлүүлэгч "Би-Эм-Ди” компани дөрвөн жилийн турш баталгаат үйлчилгээг хариуцаж ажиллахыг мэдээлэв.

Монгол Улсын шүүхэд 1.5 тэрбум төгрөгийн үнэ бүхий төхөөрөмж хүлээлгэж өглөө

Шүүхийн ерөнхий зөвлөлийн дарга Э.Батбаяр "Германы олон улсын хамтын ажиллагааны нийгэмлэг” нь манай байгууллагатай олон жил хамтран ажиллаж байгаа. Өмнө нь иргэний хэрэг хянан шийдвэрлэх ажиллагааны "Иргэн 2014” системийн сервер, сүлжээний тоног төхөөрөмжийн туслалцаа үзүүлсэн. Шүүхийг цахимжуулах, мэдээллийн технологийг үйлчилгээндээ ашиглах бодлого хэрэгжүүлж байгаа энэ үед мэдээллийн аюулгүй байдлыг бүрэн хамгаалах тоног төхөөрөмжийн туслалцаа үзүүлж байгаад баяртай байна” гэв.

"Германы олон улсын хамтын ажиллагааны нийгэмлэг”-ийн "Эдийн засгийн тогтвортой хөгжлийн эрх зүйн орчинг баталгаажуулах” төслийн хүрээнд хүлээлгэж өгсөн АНУ-ын "IMPERVA” брэндийн цогц төхөөрөмж нь мэдээллийн аюулгүй байдлын VII түвшний хамгаалалт бий болгодог бөгөөд олон улсын банк, үүрэн холбооны оператор компаниуд ашигладаг.

Өндөр хүчин чадал бүхий уг цогц төхөөрөмж нь Монгол Улсын шүүхийг цахимжуулах хөтөлбөрийн нэг чухал алхам бөгөөд мэдээллийн аюулгүй байдлын баталгаа болно.

 

Шүүхийн хэвлэл мэдээллийн хэлтэс

 


Нийтэлсэн khevlel   Үзсэн: 1 082  
ХЭВЛЭХ
Төсөөтэй мэдээлэл:
Иргэн танд
Санал асуулга
Хандалт
Бидэнтэй нэгдээрэй
«    Арванхоёрдугаар сар 2019    »
MonTueWedThuFriSatSun
 1
2345678
9101112131415
16171819202122
23242526272829
3031