Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
11-11-2015, 01:18   Ангилал: Мэдээлэл  

Шүүхэд баярлалаа...

Хэнтий аймгийн Хэрлэн сумын иргэн М.Батзаяа би орон сууц бариулахаар энэ талаар үйл ажиллагаа явуулдаг нэгэн компанитай гэрээ хийсэн боловч гүйцэтгэгч тал гэрээгээ зөрчиж, орон сууцыг барьж өгөөгүй учир Хэнтий аймаг дахь сум дундын иргэний хэргийн анхан шатны шүүхэд хандаж нэхэмжлэл гаргасан бөгөөд шүүх нэхэмжлэлийг хүлээн авч, хуулийн хугацаанд хэргийг түргэн шуурхай шийдвэрлэж өгсөн.

 

Уг маргааныг шийдвэрлэсэн шүүхийн шиийдвэрийг хариуцагч тал хүлээн зөвшөөрөхгүйн улмаас давж заалдах гомдол гаргаснаар Хэнтий, Сүхбаатар, Дорнод аймгийн иргэний хэргийн давж заалдах шатны шүүх хэргийг хүлээн авч шүүх хуралдаанд Хэнтий аймаг дахь шүүхийн тамгын газар онлайнаар намайг хуралдаанд оролцуулсан нь миний хувьд зардал мөнгө, цаг зав хэмнэсэн үнэхээр талархууштай ажиллагаа байсан. Шүүх хуралдаанд онлайнаар оролцоход шүүх хуралдааны танхимд сууж байгаа мэт сэтгэгдэл төрж асуух асуулт болон хариултаа чөлөөтэй хэлж байгаагаараа давуу талтай байсан. Зайнаас буюу онлайн хэлбэрээр шүүх хуралдаанд оролцоход техник тоног төхөөрөмжөөр хангасан байдал, түүнийг ажиллуулж байгаа шүүхийн ажилтнуудад баярлаж байна.


Шүүхийн шинэчлэл явагдаж байна гэж хэвлэл мэдээллийн хэрэгслээр олон удаа сонсож байсан боловч үүнийг өөрийн биеэр шүүхэд нэхэмжлэл гаргаж, үйлчлүүлж мэдэрлээ. Шүүх нотлох баримтыг үндэслэн шударга шийдвэр гаргадаг юм байна. Шүүгч, шүүгчийн туслах, шүүхийн IТ нар өөрийн ажлаа хууль журмын дагуу хугацаанд нь гүйцэтгэж, шуурхай зохион байгуулж, шүүхийн шийдвэр нийтэд ил тод хүрч, шүүхийн мэдээ мэдээлэл нээлттэй болсонд баяртай байна. Та бүхний энэхүү ажилд амжилт хүсье.


 

Хэнтий аймгийн Хэрлэн сумын иргэн М.Батзаяа

Нийтэлсэн zolboo   Үзсэн: 1 011  
ХЭВЛЭХ
Төсөөтэй мэдээлэл:
Иргэн танд
Санал асуулга
Хандалт
Бидэнтэй нэгдээрэй
«    Арванхоёрдугаар сар 2019    »
MonTueWedThuFriSatSun
 1
2345678
9101112131415
16171819202122
23242526272829
3031