Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
1-05-2017, 11:08   Ангилал: Мэдээлэл  

Төрийн байгууллагуудын мэдээллийн аюулгүй байдлын өдөрлөгт шүүхийн төлөөлөл оролцлоо

Үндэсний дата төв, Үндэсний аюулгүй байдлын зөвлөл, Засгийн газрын хэрэг эрхлэх газар, Харилцаа холбоо мэдээллийн технологийн газар, Хууль сахиулахын их сургууль, Цахим аюулгүй байдлын мэдээлэл удирдлагын төвийн хамтран зохион байгуулсан Төрийн байгууллагуудын мэдээллийн аюулгүй байдлын уулзалт, өдөрлөг Хууль сахиулахын их сургуульд 2017 оны 4 дүгээр сарын 28-ны өдөр боллоо.


Мэдээллийн технологийн хөгжлийг төрийн байгууллагын үйлчилгээ, үйл ажиллагаанд нэвтрүүлэхэд тулгамдаж буй мэдээллийн аюулгүй байдлын асуудлуудыг тодорхойлох, мэдээллийн аюулгүй байдлын чадавх, чадварыг бэхжүүлэх, шинэ техник технологийн шийдлийн талаар харилцан мэдээлэл солилцох, арга туршлагаа хуваалцах боломжийг олгох зорилготой энэхүү арга хэмжээнд Шүүхийн ерөнхий зөвлөлийн мэдээллийн технологийн хэлтсийн ажилтнууд, анхан болон давж заалдах хяналтын шатны шүүхийн мэдээллийн технологийн мэргэжилтнүүд оролцож санал бодлоо солилцлоо.

Уг арга хэмжээнд Харилцаа холбоо, мэдээллийн технологийн газрын МТБЗХ -ийн дарга Б.Билэгдэмбэрэл "Мэдээлэл, харилцаа холбооны бодлого”, "Мэдээллийн аюулгүй байдлын үндэсний хөтөлбөр, эрсдэлийн үнэлгээний тайлан” сэдвээр, Үндэсний аюулгүй байдлын зөвлөл ажлын албаны ахлах рeферент О.Золбаяр "Монгол Улсын мэдээллийн аюулгүй байдлын эрх зүйн зохицуулалт” сэдвээр, Тагнуулын ерөнхий газар ажилтан Ч.Алтантөр "Төрийн болон албаны нууцын тухай хууль” сэдвээр, MNCERT/CC-н ажилтан П.Энхсайхан "Засгийн газар руу чиглэсэн халдлагуудын олон улсын болон монголын жишээ” сэдвээр, ТЕГ-н Төрийн мэдээлэл холбооны газрын ажилтан Д.Мөнхжаргал "Төрийн байгууллагуудын цахим орчны нөхцөл байдал” сэдвээр, Эрүүгийн цагдаагийн албаны кибер гэмт хэрэгтэй тэмцэх хэлтсийн дарга дэд хурандаа Т.Очирбат "Цахим орчинд үйлдэгдэж буй гэмт хэргийн нөхцөл байдал” сэдвээр, MNCERT/CC-н ажилтан, судлаач Л.Галбаатар "Кибер аюулгүй байдлыг хангах талаар улс орнуудын хамтын ажиллагааны чиг хандлага” сэдвээр тус тус илтгэл тавьж хэлэлцүүлэг өрнүүллээ.

 


 

 

ШҮҮХИЙН МЭДЭЭЛЛИЙН ТЕХНОЛОГИЙН ХЭЛТЭС



Нийтэлсэн shez   Үзсэн: 1 196  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Аравдугаар сар 2019    »
MonTueWedThuFriSatSun
 123456
78910111213
14151617181920
21222324252627
28293031