Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
8-06-2017, 04:37   Хэсэг: Мэдээлэл   Сэтгэгдэл: 0  

“Шүүх ба арбитрын харилцан ажиллагаа-Онол практикийн асуудлууд” хурал боллоо

       Шүүхийн ерөнхий зөвлөл, Худалдаа аж үйлдвэрийн танхимын дэргэдэх "Монголын олон улсын ба үндэсний арбитр”, "Монгол Улсын эрдмийн их сургууль” хамтран өнөөдөр (2017.06.08)"Шүүх ба арбитрын харилцан ажиллагаа-Онол практикийн асуудлууд” олон улсын эрдэм шинжилгээний бага хурал зохион байгууллаа. Уг хуралд Шүүхийн ерөнхий зөвлөлийн Гүйцэтгэх нарийн бичгийн дарга Т.Мэндсайхан, МҮХАҮТ-ын ерөнхийлөгч Б.Лхагважав, шүүгчдийн төлөөлөл болон гадаад, дотоодын их сургуулийн багш, судлаачид оролцлоо.

“Шүүх ба арбитрын харилцан ажиллагаа-Онол практикийн асуудлууд” хурал боллоо

     Шүүхийн ерөнхий зөвлөлийн Гүйцэтгэх нарийн бичгийн дарга Т.Мэндсайхан олон улсын эрдэм шинжилгээний бага хурлыг зохион байгуулах болсон шалтгаан, ач холбогдлын талаар "Өнгөрсөн оны аравдугаар сард Шүүхийн ерөнхий зөвлөл"Гадаад улсын хэргийн оролцогчтой шүүх ажиллагаа болон шүүхэд хүний эрхийг хамгаалах зарим асуудал” нээлттэй лекц зохион байгуулсан юм. Үүний дараа АНУ-ын Санта Клара их сургуулийн багш, профессор Филип Хименезтэй ярилцаж, олон улсын эрдэм шинжилгээний хурал зохион байгуулах, судалгаа хийх зэргээр хамтран ажиллах зөвшилцөлд хүрсэн. Үүний үр дүнд өнөөдрийн арга хэмжээг зохион байгуулж байна. Шүүх, арбитрын харилцан ажиллагаа чухал. Тийм ч учраас онол, практикийн асуудлуудын талаар санал солилцохоор шүүгчид энэхүү арга хэмжээнд оролцож байна” гэж онцоллоо.

“Шүүх ба арбитрын харилцан ажиллагаа-Онол практикийн асуудлууд” хурал боллоо 

        Олон улсын эрдэм шинжилгээний хуралд профессор Филип Хименез "Шүүхийн олон улсын ажиллагаа ба маргаан шийдвэрлэх алтернатив арга-харьцуулалт”, Нийслэлийн иргэний хэргийн давж заалдах шатны шүүхийн ерөнхий шүүгч, доктор Ж.Оюунтунгалаг "Арбитрын ажиллагаан дахь шүүхийн оролцоо”, Шүүхийн ерөнхий зөвлөлийн Гүйцэтгэх нарийн бичгийн дарга Т.Мэндсайхан "Арбитрын хэлэлцээр ба Монгол Улсын шүүхийн онцгой харъяалал”, Судалгаа мэдээлэл, сургалтын хүрээлэнгийн зочин судлаач Катарин Скарлет "2017 оны Арбитрийн хуулийн 29 дүгээр зүйлийг хэрэглэх нь” зэрэг сэдвээр илтгэл тавьж хэлэлцүүллээ. Мөн Буриадын их сургуулийн профессор Ю.П.Гармаев, Японы Киото их сургуулийн профессор Ясүхэй Танигучи, Монгол Улсын эрдмийн их сургуулийн багш, доктор З.Сүхбаатар, Монголын олон улсын ба үндэсний арбитрын Ерөнхий нарийн бичгийн дарга Ч.Гүнждагва, МАК ХХК-ийн ахлах хуульч М.Энх-Од нар илтгэл тавьсан юм.

“Шүүх ба арбитрын харилцан ажиллагаа-Онол практикийн асуудлууд” хурал боллоо

 

Шүүхийн хэвлэл мэдээлэл, олон нийттэй харилцах хэлтэс

 


Нийтэлсэн zolboo   Үзсэн: 636  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Зургаадугаар сар 2018    »
MonTueWedThuFriSatSun
 123
45678910
11121314151617
18192021222324
252627282930