Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
6-07-2017, 08:01   Хэсэг: Мэдээлэл   Сэтгэгдэл: 0  

Хэнтий аймгийн Бор-Өндөр суманд Шүүхийн үйлчилгээний төв нээв


    Хэнтий аймгийн Бор-Өндөр сум дахь сум дундын шүүхийн тамгын газраас шүүхийн үйлчилгээний соёлыг дээшлүүлэх ажлын хүрээнд тус шүүхийн нэгдүгээр давхрыг "Шүүхийн үйлчилгээний төв” болгон тохижууллаа. Тодруулбал, нэгдүгээр давхрын иргэдийг хүлээн авах хэсэг болох 16 метр.квталбайг томсгон 36 метр.кв болгон засвар үйлчилгээ хийж,иргэдийг ая тухтай үйлчлүүлэх, шүүхийн үйлчилгээний таатай орчныг өөрсдийн нөөц бололцоо бүрдүүллээ.

    Улмаар 7 дугаар сарын 5-ны өдөр "Иргэдэд үйлчлэх төв”-ийн нээлтийг хийлээ.

 

 

    "Шүүхийн үйлчилгээний төв”-д шүүхийн үйл ажиллагааны талаарх мэдээлэл авах боломжийг бүрдүүлж "Таны хөтөч” схем зураг бүхий танилцуулгын самбар, ёс зүй болон харилцаа хандлагын талаар гомдол мэдээлэл, шүүхийн тамгын газарт өргөдөл гомдол гаргах журам дарааллыг харуулсан танилцуулгын самбар, шүүхэд өргөдөл, нэхэмжлэл, гомдол гаргах загварыг харуулсан ширээ, сандлыг байршуулав.

    Мөн үүдний хэсэгт байршуулсан киоск /мэдрэгчтэй дэлгэц/-ийн төхөөрөмжөөс хэргийн явц, шийдвэрлэлтийн талаар мэдээлэл авахаас гадна шүүхийн үйл ажиллагаа, үйлчилгээний талаар цахим санал асуулгад оролцох боломжийг бүрдүүллээ.

    "Шүүхийн үйлчилгээний төв” нээснээр иргэд шүүхээс чирэгдэлгүй, тав тухтай орчинд үйлчилгээ авах боломж бүрдлаа. Мөн шүүхийн үйлчилгээний стандартыг тогтоож шүүхийн ил тод, нээлттэй байдлыг хангах, иргэдийн санаа бодлыг судлах, шүүхэд итгэх иргэдийн итгэлийг дээшлүүлэх олон талын ач холбогдолтой юм.

 

    Дээрх засвар тохижилтын ажлыг өөрсдийн нөөц бололцоог ашиглан, ажилчдын хүч хөдөлмөрийг шингээн хийлээ.

 

Хэнтий аймгийн Бор-Өндөр суманд Шүүхийн үйлчилгээний төв нээв 

 

 

ХЭНТИЙ АЙМГИЙН БОР-ӨНДӨР СУМ ДАХЬ

СУМ ДУНДЫН ШҮҮХИЙН ТАМГЫН ГАЗАР

 

Нийтэлсэн khevlel   Үзсэн: 375  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Долоодугаар сар 2017    »
MonTueWedThuFriSatSun
 12
3456789
10111213141516
17181920212223
24252627282930
31