Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
27-07-2017, 10:10   Хэсэг: Мэдээлэл   Сэтгэгдэл: 0  

“Шүүхийн үйлчилгээний төв” үүдээ нээлээ

Нийслэл дэх Захиргааны хэргийн анхан шатны шүүх "Шүүхийн үйлчилгээний төв”-ийнхөө нээлтийг өнөөдөр (2017.07.27) хийлээ.

 

2017 онд шүүхийн үйлчилгээг сайжруулах зорилт тавьсантай холбогдуулан шүүхүүд үйлчилгээний шинэ стандарт нэвтрүүлж буй юм. Үйлчилгээний шинэ стандартын нэг хэсэг болох "Шүүхийн үйлчилгээний төв”-ийн нээлтэд Нийслэл дэх Захиргааны хэргийн анхан шатны шүүхийн шүүгчид, Тамгын газрын дарга Д.Ганбаатар болон албан хаагчид оролцлоо.

 

Тус шүүхийн Тамгын газрын дарга Д.Ганбаатар нээлтийн үеэр "Шүүхийн ерөнхий зөвлөлөөс 2017 оныг "Шүүхийн үйлчилгээний жил” болгосон билээ. Манай хамт олон энэ ажлын хүрээнд олон ажил хийхээр төлөвлөсөн. Үүний нэг нь "Шүүхийн үйлчилгээний төв” юм. Энэхүү төв нь олон нийтэд тав тухтай, ил тод нээлттэй, түргэн шуурхай үйлчилж шүүхийн үйлчилгээг шинэ түвшинд хүргэх ач холбогдолтой” гэлээ.

Нийслэл дэх захиргааны хэргийн анхан шатны шүүх мөн "Нээлттэй шүүх” танхимдаа "Иргэн өөртөө үйлчлэх хэсэг”-ийг тохижуулжээ. Энэ хэсэгт шүүхийн үйл ажиллагааны хөтөч, Шүүхийн тамгын газрын үйл ажиллагааны хөтөч мэдээллийн самбар, өргөдөл, гомдол, хүсэлт, нэхэмжлэлийн загвар, улсын тэмдэгтийн хураамжийг хэрхэн хаана төлөх зэрэг тайлбар мэдээллүүдийг байршуулсан аж.

 

 

Ингэснээр шүүхээр үйлчлүүлэгч өөрт шаардлагатай мэдээ, мэдээллийг "бие даан олж авах боломж бүрдэж байгаа юм. Мөн шүүхээр үйлчлүүлж буй иргэдийн санаа бодлыг тогтмол сонсох үүднээс санал хүсэлтийн хайрцаг, дэвтэр байрлуулжээ. Үүнээс гадна иргэд www.admincourt.gov.mn, фэйсбүүк дэх "Нийслэл дэх Захиргааны хэргийн анхан шатны шүүх” хаягаар болон 11325162 дугаарын утсаар санал, хүсэлтээ илэрхийлэх боломжтойг танилцууллаа.


 

 
Нийслэл дэх Захиргааны хэргийн анхан шатны шүүхийн тамгын газар 
Нийтэлсэн khevlel   Үзсэн: 357  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Наймдугаар сар 2017    »
MonTueWedThuFriSatSun
 123456
78910111213
14151617181920
21222324252627
28293031