Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
4-10-2017, 04:01   Хэсэг: Мэдээлэл   Сэтгэгдэл: 0  

Д.Очирхүү: Шүүхэд гомдолтой байна


Баянзүрх дүүргийн 14 дүгээр хорооны иргэн Д.Очирхүү шүүхийн үйлчилгээнд шүүмжлэлтэй байгаагаа илэрхийлсэн юм. Түүнээс болсон явдлыг тодрууллаа.

 

-Та ямар шалтгаанаар шүүхэд хандах болсон бэ?


- "Би улсад 35 жил ажиллаж байгаа. Үүнээс ХӨСҮТ-д 17 дахь жилдээ ажиллаж байна. 2015 оны аравдугаар сарын 2-нд ХӨСҮТ-ийн захирал Д.Нямхүүгийн тушаалаар жижүүрээс харуулын албанд шилжиж ажиллахаар болсон. Ажилд шилжүүлэх тухай тушаалд миний өмнө авч байсан, цалин урамшууллыг хэвээр олгохоор заасан байдаг. Гэтэл ХӨСҮТ-ийн хүний нөөцийн газрын дарга миний цалинг 78 мянган төгрөгөөр бууруулсан. Хүний нөөцийн газрын даргын хууль бус шийдвэрээс болж би хоёр жилийн турш сар бүр 78 мянган төгрөгөөр хохирч байгаа. Ийм шалтгаанаар Баянзүрх дүүргийн Иргэний хэргийн анхан шатны шүүхэд 2017 оны 6 сарын 5-нд нэхэмжлэл гаргасан. Гэтэл өнөөг хүртэл шийдсэнгүй. 


 

- Шүүх хуралдаан болоогүй гэж үү?


-2017 оны 8 дугаар сарын 23-нд шүүх хуралдаан болох байсан ч хариуцагчийн итгэмжлэгдсэн төлөөлөгч Жанчив гэдэг хүн хэрэгтэй танилцах хүсэлтэй байна гэсний дагуу хойшлуулсан. Нэхэмжлэл гаргаад гурван сар болоход миний өгсөн материалаас өөр ямар ч нотлох баримт хэрэгт цуглаагүй. ХӨСҮТ 3 сарын хугацаанд ямар ч тайлбар, материал өгөөгүй. Шүүх хуралдаан 7 хоног хойшлоод 8 сарын 30-нд дахиж болохоор болсон. Гэтэл ХӨСҮТ тэр өдрийн өглөө холбогдох материал авчирч өгөхдөө мөн л хурал хойшлуулах хүсэлт тавьсан. Шүүх ч үүнийг нь хүлээгээд авчихсан. Одоог хүртэл шүүх хуралдааныг хийхгүй байна. Энэ хугацаанд би хохирсоор байна. Сар бүр 78 мянган төгрөгөөр хохироод, нэхэмжлэлийн шаардлагаа нэмэгдүүлэх бүрт тэмдэгтийн хураамж төлж байна. 

 

-Шүүх хуралдаан ямар шалтгаанаар болохгүй байгаа юм бол?


-Шүүгч, шүүгчийн туслахад сэтгэл л дутаж байна. Хариуцагч тал Эрүүл мэндийн яамнаас бичиг гаргуулмаар байна гэдэг шалтгаанаар шүүх хуралдааныг хойшлуулсан. Гэтэл одоог хүртэл тэр бичгийг гаргуулж аваагүй. Иргэнээ гэсэн сэтгэл шүүхэд байхгүй учраас олон хүн хохирч байгаа. Намайг 4 сар хүлээж байна гэхэд хүмүүс "Тэр гайгүй. Жил, хэдэн жил хүлээнэ” гэх жишээтэй. Тэр бүү хэл тэмдэгтийн хураамж төлсөн нэхэмжлэлийг минь хавтаст хэрэгт алга гэж шүүгчийн туслах хэлсэн. Үүний лавлагаа авахад л мөнгө төгрөг, цаг зав орж байгаа юм. Тэр хүмүүст бага мөнгө байж магадгүй. Гэтэл надад тэмдэгтийн хураамжид төлж байгаа мөнгө, лавлагаа авч байгаа мөнгө, сар бүл цалингаасаа алдаж байгаа 78 мянган төгрөг бол маш их мөнгө. Шүүхэд үнэхээр гомдолтой байна. Шүүх хуралдаанаа хурдан хийж асуудлыг минь шийдэж өгөөсэй гэж хүсч байна.


Нийтэлсэн zolboo   Үзсэн: 515  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Аравдугаар сар 2017    »
MonTueWedThuFriSatSun
 1
2345678
9101112131415
16171819202122
23242526272829
3031