Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
27-11-2017, 10:26   Хэсэг: Мэдээлэл   Сэтгэгдэл: 0  

Мэдээлэл лавлагааны мэргэжилтнүүдэд зориулсан сургалтыг анх удаа зохион байгууллаа


        Шүүхийн ерөнхий зөвлөл 2017 оныг "Шүүхийн үйлчилгээний жил” хэмээн зарласны хүрээнд "Нээлттэй нийгэм форум” ТББ-тай хамтран бүх шатны шүүхийн мэдээлэл лавлагааны мэргэжилтнүүдэд зориулсан сургалтыг 3 хоногийн турш (2017.11.20-2017.11.22) зохион байгууллаа. Сургалтын зорилго нь Мэдээлэл, лавлагааны мэргэжилтнүүдэд шүүхийн үйлчилгээний онцлогийн талаар нэгдсэн ойлголт өгч, ажил мэргэжлийн чиг үүргээ үр нөлөөтэй хэрэгжүүлэхэд шаардлагатай мэдлэгийг дээшлүүлж, шүүхийн үйлчилгээг иргэдэд чанартай, түргэн шуурхай хүргэх ёс зүй, харилцааны ур чадварыг сайжруулахад чиглэв.


         Сургалтад бүх шатны шүүхийн нийт 46 мэдээлэл лавлагааны ажилтан оролцсон бөгөөд сургалтын эхний 2 өдөр мэдээлэл, лавлагааны мэргэжилтнүүд "Шүүхийн сургалтын Баяндөхөм төв”-д танхимын сургалтад хамрагдлаа. 

         Танхимын сургалтад шүүхийн захиргааны байгууллагын үйлчилгээний онцлог, мэдээлэл, лавлагааны албаны ажиллах журам, хэргийн оролцогчдод мэдээлэл, лавлагаа өгөхөд анхаарах асуудал, шүүхийн захиргааны ажилтны ёс зүй, харилцаа хандлага, тулгамдаж буй асуудал сэдвүүдээр Шүүхийн ерөнхий зөвлөлийн газар, нэгжийн дарга, референтүүд хичээл заав. Мөн сэтгэл зүйн шинжлэх ухааны аргачлалд суурилсан хувь хүний хөгжлийг дэмжих сургалтыг энэ чиглэлээр мэргэшсэн, туршлагатай багш нар удирдан явуулсанаараа онцлогтой байлаа. Тухайлбал, "Үйлчилгээний ажилтны дүр, харилцаа-мэдрэмжийн удирдлага” сэдвээр "Эн Пи Си Энд Мандал” ХХК-ийн багш Ц.Энхжаргал, "Ажлын байрны аз жаргал” сэдвээр "Эерэг тэмүүлэл” ТББ-ын сургагч багш Н.Энхбаатар, "Стресс менежмент” сэдвээр ШСМСХ-ын сэтгэл зүйч Ш.Батболд нар сургалтыг удирдан явуулсан юм.

        Сургалтын сүүлийн өдөр мэдээлэл лавлагааны мэргэжилтнүүд Захиргааны шүүхийн нэгдсэн байран дахь шүүх хуралдааны "Green hall” танхим, Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүхийн тамгын газрын үйлчилгээний төвтэй тус тус танилцаж, шүүхийн үйлчилгээнд хийгдэж буй шинэчлэлтэй газар дээр нь танилцаж, туршлага судлав.
 

        Үүний дараа "Шүүхийн үйлчилгээний шинэчлэл, тулгамдаж буй асуудал” сэдвээр хэлэлцүүлэг өрнүүллээ. Хэлэлцүүлэгт Шүүхийн захиргааны удидлагын газар, Шүүхийн хэвлэл мэдээлэл, олон нийттэй харилцах хэлтэсийн төлөөлөл, дүүргийн шүүхийн тамгын дарга, шүүхийн үйлчилгээний хэлтсийн дарга, шүүхийн мэдээлэл лавлагааны мэргэжилтэн, өмгөөлөгчийн төлөөлөл панелистаар оролцлоо. Хэлэлцүүлгийн панелистууд тус тусын чиглэлээр шүүхийн үйлчилгээний шинэчлэлийн талаар танилцуулга, санал бодлоо илэрхийлэв. Мөн шүүхийн үйлчилгээний шинэтгэлийн талаар шүүхээр үйлчлүүлэгчдийн төлөөлөл буюу өмгөөлөгч үнэлгээ өгч, санал бодлоо илэрхийлсэн юм.


        Тус хэлэлцүүлгийн үеэр мэдээлэл лавлагааны мэргэжилтнүүд шүүхийн үйлчилгээний шинэтгэлийн талаар санал бодлоо илэрхийлж, цаашид анхаарах зүйлсийн талаар саналаа хэлж, шүүх үйлчилгээний шинэтгэлийн үр нөлөө, ач холбогдлын талаар санал солилцов.

Мөн сургалтад оролцогчид сургалтыг мэргэжлийн болон хувь хүний мэдлэг чадварыг дээшлүүлж, ажил үүрэгтэй хандах хандлагыг өөр өнцгөөс харах боломжийг олгосон, харилцан туршлага судалсан, үр дүнтэй, шинэлэг сургалт боллоо дүгнэж байлаа.

 

 

 

 

ШҮҮХИЙН СУДАЛГАА, МЭДЭЭЛЭЛ, СУРГАЛТЫН ХҮРЭЭЛЭН


 

 


Нийтэлсэн munkhbayar   Үзсэн: 828  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Нэгдүгээр сар 2018    »
MonTueWedThuFriSatSun
1234567
891011121314
15161718192021
22232425262728
293031