Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
11-12-2017, 07:08   Хэсэг: Мэдээлэл   Сэтгэгдэл: 0  

“Эвлэрүүлэн зуучлах ажиллагааны орчин үеийн чиг хандлага” уралдааны шилдэг илтгэгчид шалгарлаа


"Эвлэрүүлэн зуучлах ажиллагааны орчин үеийн чиг хандлага” эрдэм шинжилгээний илтгэлийн уралдааны шилдэг илтгэгчдийг өнгөрсөн баасан гаригт шалгарууллаа.

“Эвлэрүүлэн зуучлах ажиллагааны орчин үеийн чиг хандлага” уралдааны шилдэг илтгэгчид шалгарлаа 

Шүүхийн ерөнхий зөвлөлийн дэргэдэх Эвлэрүүлэн зуучлагчдын зөвлөл "Монголын хуульчдын холбоо”-ны Эвлэрүүлэн зуучлалыг дэмжих асуудал эрхэлсэн хороо, Монгол-Японы хуульч, эвлэрүүлэн зуучлагчдын холбоотой хамтран хууль зүйн их, дээд сургуулийн оюутнуудын дунд энэхүү уралдааныг дөрөв дэх жилдээ зохион байгуулж буй юм.

Энэ удаагийн уралдаанд 22 оюутан бүтээлээ ирүүлснээс хоёрдугаар шатанд зургаан илтгэл шалгарч үлджээ. Хоёрдугаар шатанд шалгарсан илтгэлийг Шүүхийн ерөнхий зөвлөлд хэлэлцүүлж, шилдэг илтгэлийг тодруулсан юм. Илтгэлийн уралдааны нэгдүгээр байрт, МУИС-ХЗС-ийн Олон Улсын эрх зүйн тавдугаар курсын оюутан М.Сэндэнхандын "Эвлэрүүлэн зуучлах ажиллагааны хөгжлийн орчин үеийн чиг хандлага: Гэр бүлийн маргаан дахь "шаардлагатай тохиолдолд” эвлэрүүлэн зуучлалыг дахин явуулахын үр дагавар, түүнд шаардагдах эвлэрүүлэн зуучлагчдын ур чадвар” сэдэвт илтгэл, хоёрдугаар байрт, МУИС-ХЗС, Японы эрх зүйн 4 дүгээр курсын оюутан О.Должинсүрэн, Э.Санчир-Уяа нарын "Эвлэрүүлэн зуучлах ажиллагааны хөгжлийн орчин үеийн чиг хандлага: Нийтийн эрх ашигт учирсан хохирол, түүнээс үүдэх гэм хорын асуудлыг эвлэрүүлэн зуучлах ажиллагааны журмаар шийдвэрлэх” сэдэвт илтгэл шалгарлаа. Гуравдугаар байрт "Их Засаг” Олон улсын их сургуулийн Хууль зүйн сургуулийн 207 дугаар бүлгийн оюутан Б.Лхагвасүрэнгийн "Эвлэрүүлэн зуучлах ажиллагааны хөгжлийн орчин үеийн чиг хандлага” сэдэвт шалгарав.

“Эвлэрүүлэн зуучлах ажиллагааны орчин үеийн чиг хандлага” уралдааны шилдэг илтгэгчид шалгарлаа 

Эвлэрүүлэн зуучлалын судалгаа, шинжилгээний ажлыг дэмжих, Монголын эвлэрүүлэн зуучлалын тогтолцооны цаашдын хөгжилд түлхэц үзүүлэх, тулгамдаж буй асуудлыг шийдвэрлэх арга замыг тодорхойлох зорилготойгоор энэхүү уралдааныг жил бүр уламжлал болгон зохион байгуулдаг юм.


 

Эвлэрүүлэн зуучлагчдын зөвлөл


Нийтэлсэн zolboo   Үзсэн: 683  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Нэгдүгээр сар 2018    »
MonTueWedThuFriSatSun
1234567
891011121314
15161718192021
22232425262728
293031