Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
1-03-2018, 08:59   Ангилал: Мэдээлэл  

Төрийн хайр ивээлийг дааж, эх хүнийхээ үүргийг ухамсарлаж үлдсэн амьдралдаа дахин алдахгүй гэв

 
Шүүхийн шийдвэр гүйцэтгэх ерөнхий газрын харьяа 407 дугаар ангиас хоёр бүсгүй ял эдлэх хугацаанаасаа өмнө суллагджээ. "Хорих ялаас хугацаанаас өмнө суллаж, хяналт тогтоох тухай” прокурорын дүгнэлтийг Баянзүрх дүүргийн Эрүүгийн хэргийн анхан шатны шүүхийн Ерөнхий шүүгч Н.Одонтуул шүүх хуралдаанаар хэлэлцэж шийдвэрээ гаргасан байна.

Суллагдсан бүсгүйчүүдтэй ярилцлаа.

-Уучлаарай. Та бүхэн ямар хэргээр ял сонссон юм бэ?

-Б.Д: 2016 оны тавдугаар сарын 02-нд Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн тогтоолоор таван жил хорих ялаар шийтгэгдсэн. Үйлдсэн хэргийнхээ тухай хэлэхэд маш хэцүү байна. Эх хүний үүргээ биелүүлж чадаагүйдээ үргэлж харамсдаг. Эрүүгийн хуулийн 117 дугаар зүйлийн 117.2-т заасан хэргээр ял сонссон.

-Н.Ц: Би 29 настай. Дорноговь аймаг дахь Сум дундын Эрүүгийн хэргийн анхан шатны шүүхийн 2016 оны 06 дугаар сарын 06-ны өдрийн шийтгэх тогтоолоор дөрвөн жил хорих ял сонссон. Бусдын биед санаатайгаар гэмтэл учруулсан хэргээр ял эдэлсэн.

-Та хоёр хугацаанаасаа өмнө суллагдаж байна.  Ирээдүйгээ хэрхэн төсөөлж байна вэ?

-Б.Д: Хугацаанаасаа 10 сар 3 хоногийн өмнө суллагдлаа. Би одоо 24 настай. Энд ирэхээс өмнөх амьдралдаа байнга харамсдаг. Аав, ээж минь салаад биднийг орхиод явсан. Эгч, дүү нартайгаа амьдрахад амар байгаагүй. Тиймээс аав, ээждээ гомдож бүтэхгүй хүмүүстэй нийлж архи дарс уудаг, тэнэдэг байлаа. Дүү нараа ч хайхрахаа больсон. Найз залуугаасаа жирэмсэн болсон ч хаягдсан. Ер нь миний амьдрал болж бүтэхгүйгээр дүүрэн, би ч өөрөө гутранги байжээ. Харин үйлдсэн хэрэгтээ ял сонсож хорих ангид ирснээс хойш маш олон сургалтад хамрагдлаа. Их ч бодож, өөрийнхөө алдааг ойлгосон. Аав, ээж, гэр бүлийнхэн минь хэчнээн чухал гэдгийг мэдэрч байна. Амьдралд, хувь тавилан гээчид бурууг чихэж эхлүүлсэн ажлаа ч дуусгадаггүй хийсвэр охин байжээ, би. Одоо бүхнийг болж бүтнэ гэсэн өөдрөг сэтгэлээр амьдрахаар шийдсэн. Хугацаанаас минь бараг жилийн өмнө суллалаа. Энэ хугацаа бол надад алт гэсэн үг. Тиймээс үлдсэн амьдралдаа сайн сайхан үйл хийнэ гэж төлөвлөж байгаа. Тэгж байж л алдаагаа засна.

-Н.Ц: Хугацаанаасаа дөрвөн сар 28 хоногийн өмнө суллагдаж байгаадаа маш их баярлаж байна. Хорих ангид гал тогоонд бэлтгэгч, том уурын зуухны галч, нэг цонхны үйлчилгээний барилга, эмнэлгийн зуухны галч зэрэг ажлуудыг тасралтгүй хийж байсан. Ажил хийсэн шагналын хоногоо хасуулаад суллагдлаа.

 Шоронд байгаа хүнд ганц хормын эрх чөлөөтэй амьдрал үнэ цэнэтэй байдаг. Тийм учраас ганц хоногийн өмнө ч гэсэн суллагдахаар хичээж ажилласан.

 Нөхөр маань салаад явчихсан. Гурван хүүхэд маань аав, ээж дээр бий. Үр хүүхэд минь эцэг эхийн хайр халамжгүй, дутуу нойр, дундуур хоолтой өсөж  байгаа гэж бодохоор хэцүү байдаг. Төрийн хайр ивээлийг дааж, эх хүнийхээ үүргийг ухамсарлаж үлдсэн амьдралдаа дахин алдахгүй амьдарна гэдэгтээ итгэлтэй байна. Хүүхдүүд дээрээ эрт очиж боломжийг олгосон Баянзүрх дүүргийн Эрүүгийн хэргийн анхан шатны шүүхийн Ерөнхий шүүгчид маш их баярлалаа гэв.
 З.Баяржаргал 
Эх сурвалж: http://www.zaluu.com

Нийтэлсэн zolboo   Үзсэн: 599  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Арваннэгдүгээр сар 2018    »
MonTueWedThuFriSatSun
 1234
567891011
12131415161718
19202122232425
2627282930