Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
12-04-2018, 09:09   Ангилал: Мэдээлэл  

“Шүүхийн сэтгэл судлал” сургалт боллоо


Шүүхийн ерөнхий зөвлөлөөс шүүгчийн мэргэжлийн хөгжлийг дэмжих зорилгоор 2016 оноос "Шүүхийн сэтгэл судлал” сургалтын хөтөлбөр хэрэгжээд 3 дахь жилдээ сургалт явагдаж байгаа билээ.


Энэ жилийн "Шүүхийн сэтгэл судлал” сургалтыг 2018 оны 04 дүгээр сарын 11-ний өдөр Шүүхийн ерөнхий зөвлөлд зохион байгуулсан бөгөөд уг сургалтын гол зорилго нь сэтгэл судлалын мэдлэгийг хэрэг хянан шийдвэрлэх ажиллагаандаа хэрэглэх арга зүйд суралцах, стрессийг даван туулах эерэг аргуудыг эзэмших, шууд бус ялгаварлал, давуу тал өгөх зэрэг сэтгэл зүйн шинж тэмдгүүдийг танин мэдэх, түүнээс урьдчилан сэргийлэх чадвар суралцах, харилцаа мэдрэмжээ сайжруулахад оршсон юм.

“Шүүхийн сэтгэл судлал” сургалт боллоо 

Сургалтыг МУИС-ийн Боловсрол сэтгэл судлалын тэнхмийн багш, профессор Б.Туяа "Зан төлөвийн үндсэн хэв шинжүүд, түүний онцлогийг харгалзан харилцах нь”, "Стресс, хувийн онцлогтой холбоотой стресс, ажлын байрны стрессийг даван туулах нь” сэдвээр, Шүүхийн судалгаа мэдээлэл, сургалтын хүрээлэнгийн сэтгэл зүйч Ш.Батболд "Шүүхийн сэтгэл судлал, онцлог, судалгааны хүрээ, Шүүгчийн мэргэжлийн үйл ажиллагааны сэтгэл зүй, гэмт хэрэг үйлдэхэд нөлөөлдөг сэтгэл зүйн онцлогууд, гэрч хохирогчийн сэтгэл зүй” сэдвээр мэдээлэл өгч, шүүгчдийг сэтгэл зүйн тестээр сорьсон бол НҮБ-ын Хүн амын сангийн арга зүйч, сэтгэл зүйч Д.Өлзийсайхан "Харилцааны сэтгэл зүй, та сэтгэл зүйчид яагаад хандах хэрэгтэй бэ” сэдвээр дасгал ажил хийлгэж, харилцан ярилцуулж өвөрмөц хэлбэрээр сургалтыг удирдан явууллаа.

 

Сургалтад оролцогчид "энэхүү сургалт нь хэргийн оролцогчтой харилцах харилцааны арга болон ажлаас шалтгаалсан стрессийг даван туулах арга замд суралцсан маш их эрэлттэй сургалт тул бүх шүүгчдийг ээлж дараагаар нь хамруулах шаардлагатай, сургалтаас хүлээж байсан үр дүнгээ бүрэн авсан, үр өгөөжтэй сургалт боллоо” хэмээн сэтгэл хангалуун байснаа онцолж байв.

 

Тус сургалтад нийслэл болон орон нутаг дахь давж заалдах, анхан шатны шүүхийн нийт 35 шүүгч хамрагдлаа.

“Шүүхийн сэтгэл судлал” сургалт боллоо

 

 

ШҮҮХИЙН СУДАЛГАА, МЭДЭЭЛЭЛ, СУРГАЛТЫН ХҮРЭЭЛЭН


Нийтэлсэн zolboo   Үзсэн: 592  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Арванхоёрдугаар сар 2018    »
MonTueWedThuFriSatSun
 12
3456789
10111213141516
17181920212223
24252627282930
31