Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
8-01-2019, 05:06   Ангилал: Мэдээлэл  

Шүүх, шүүгчийн аюулгүй байдлыг хангах талаар ярилцав

Шүүх, шүүгчийн аюулгүй байдлыг хангах талаар ярилцав

       Монгол Улсын Шүүхийн ерөнхий зөвлөлийн дарга Н.Лүндэндорж Цагдаагийн ерөнхий газрын Нийтийн хэв журмыг хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан, тус албаны Олон нийтийн аюулгүй байдлыг хангах газрын дарга, цагдаагийн дэд хурандаа Ж.Цэрэнпунцаг, ахлах мэргэжилтэн, цагдаагийн хурандаа И.Даваажамъяан нарыг өнөөдөр (2019.01.08) хүлээн авч уулзлаа.

 

       Уулзалтаар шүүх, шүүгчийн аюулгүй байдлыг хангах журмын хэрэгжилтэд тулгарч буй асуудлын талаар ярилцлаа. Тухайлбал, цагдаагийн байгууллага шүүх, шүүгчийн аюулгүй байдлыг хангах чиг үүргээ хэрэгжүүлэхэд орон тоо дутуу, техник хангамжийн хүрэлцээ хангалтгүй зэрэг тулгамдсан асуудал байгааг Цагдаагийн ерөнхий газрын Нийтийн хэв журмыг хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан танилцуулсан. Орон тоог нэмэгдүүлэх талаар Засгийн газар болон Хууль зүй, дотоод хэргийн сайдад хандаж байгааг мөн мэдээллээ.

 

       Цагдаагийн ерөнхий газрын даргын тушаалаар шүүх, шүүгчийн аюулгүй байдлыг хангаж ажиллах чиг үүрэг бүхий хэлтсийг татан буулгасныг сэргээж бүтцийг хадгалах саналыг Шүүхийн ерөнхий зөвлөлийн дарга тавилаа. Мөн Эрэн сурвалжлах, албадан ирүүлэх программын үйл ажиллагааг идэвхжүүлэхэд хоёр тал хамтран ажиллах талаар талууд тохиролцов.

Уулзалтад Шүүхийн захиргааны удирдлага, бодлого зохицуулалтын газрын дарга Ж.Сайнхишиг, референт С.Санчир нар оролцлоо. 


 

Шүүхийн хэвлэл мэдээллийн хэлтэс


Нийтэлсэн zolboo   Үзсэн: 456  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Нэгдүгээр сар 2019    »
MonTueWedThuFriSatSun
 123456
78910111213
14151617181920
21222324252627
28293031