Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
8-04-2019, 11:35   Ангилал: Мэдээлэл  

Эвлэрүүлэн зуучлагчдын давтан сургалт амжилттай болж өндөрлөлөө


Шүүхийн ерөнхий зөвлөлөөс "Эвлэрүүлэн зуучлагчдад зориулсан давтан сургалт”-ыг 2019 оны 04 дүгээр сарын 03-05-ны өдрүүдэд Шүүхийн ерөнхий зөвлөлийн 102 тоот танхимд зохион байгууллаа.

Эвлэрүүлэн зуучлагчдын давтан сургалт амжилттай болж өндөрлөлөө 

Эвлэрүүлэн зуучлагчдыг мэргэшүүлэх-ахисан шат болох энэхүү сургалтын гол зорилго нь эвлэрүүлэн зуучлагчид хууль, дүрэм журмаар тогтоосон үндсэн чиг үүргээ гүйцэтгэхэд нь шаардлагатай мэдлэг олгож, ажилд нь дадлагажуулах, чадавхийг дээшлүүлэх, ур чадварыг нэмэгдүүлэхэд чиглэгдсэн юм.

Эвлэрүүлэн зуучлагчдын давтан сургалт амжилттай болж өндөрлөлөө 

СургалтыгЭвлэрүүлэн зуучлагчдын зөвлөлийн дарга болон гишүүд "Эвлэрүүлэн зуучлах ажиллагааны журам, нийтлэг үндэслэл, Эвлэрүүлэн зуучлах ажиллагааны оролцогчдын эрх зүйн байдал, Эвлэрүүлэн зуучлах ажиллагааны тэмдэглэл, түүнд тавигдах шаардлага, ач холбогдол, Эвлэрүүлэн зуучлах ажиллагааны уулзалтын ажиллагааны талаарх судалгааны талаар, Хамтран ажиллах гэрээний эрх зүйн зохицуулалт, Эвлэрүүлэн зуучлах ажиллагаанд тулгамдаж буй асуудлууд, цаашид анхаарах асуудал” сэдвээр, Шүүхийн сургалт, мэдээлэл судалгааны хүрээлэнгийн сэтгэл зүйч Б.Нямаа "Гэр бүлийн маргааныг шийдвэрлэх арга техник, тулгамдсан асуудлуудад ажиллах арга зүй”, "Шихихутаг” Их Сургуулийн иргэний танхимын багш Э.Ариунаа "Үүргийн эрх зүй, үүргийн гүйцэтгэлийг хангах аргууд” Баянзүрх дүүргийн Иргэний хэргийн анхан шатны шүүхийн шүүгч Ц.Цэрэндулам "Зээлийн гэрээний зохицуулалт, анхаарах асуудлууд” сэдвээр тус тус мэдээлэл өгч, сургалтыг удирдан явууллаа.

Эвлэрүүлэн зуучлагчдын давтан сургалт амжилттай болж өндөрлөлөө 

Эвлэрүүлэн зуучлалын зөвлөлийн дарга Д.Тунгалаг "Шүүх дэх эвлэрүүлэн зуучлах ажиллагааны 2018 оны үндсэн мэдээ, түүнд хийсэн дүн шинжилгээ болон Эвлэрүүлэн зуучлах ажиллагаанд тулгамдаж буй асуудлуудыг танилцуулж, эвлэрүүлэн зуучлагчдаар эвлэрлийн гэрээний төсөл бичих даалгаврыг гүйцэтгүүлэн, нийтлэг гаргаж буй алдаа зөрчил, цаашид анхаарах асуудлуудыг зөвлөв.

Эвлэрүүлэн зуучлагчдын давтан сургалт амжилттай болж өндөрлөлөө 

Сургалтын төгсгөлд Эвлэрүүлэн зуучлалын зөвлөл нь Эвлэрлийн гэрээний төсөл бичих даалгаврыг бүрэн дүүрэн, бусдаасаа амжилттай хийж гүйцэтгэсэн 5 эвлэрүүлэн зуучлагчийг Өргөмжлөл, үнэ бүхий зүйлээр шагналаа.

Эвлэрүүлэн зуучлагчдын давтан сургалт амжилттай болж өндөрлөлөө 

Тус сургалтад нийслэл болон орон нутаг дахь шүүхийн нийт 42 эвлэрүүлэн зуучлагчид хамрагдлаа. 

 

 

ШҮҮХИЙН ЗАХИРГААНЫ УДИРДЛАГА, БОДЛОГО ЗОХИЦУУЛАЛТЫН ГАЗАР

ШҮҮХИЙН СУДАЛГАА, МЭДЭЭЛЭЛ, СУРГАЛТЫН ХҮРЭЭЛЭН


 

 

 

Нийтэлсэн zolboo   Үзсэн: 503  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Дөрөвдүгээр сар 2019    »
MonTueWedThuFriSatSun
1234567
891011121314
15161718192021
22232425262728
2930