Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
19-09-2019, 03:01   Ангилал: Мэдээлэл  

Эмгэнэл

 

 
Төмөрбаатарын ГАНБАТ

 

/1962-2019/

Хөвсгөл аймгийн Эрүү, Иргэний хэргийн давж заалдах шатны шүүхийн шүүгч Төмөрбаатарын Ганбат 2019 оны 9 дүгээр сарын 18-ны өдөр зуурдаар таалал төгслөө.

Тэрээр 1962 онд Хөвсгөл аймгийн Мөрөн хотод төрж, Мөрөн хотын 1 дүгээр 10 жилийн сургууль, Халх журам хууль зүйн дээд сургуулийг төгсөж эрх зүйч, хуульч мэргэжлийг эзэмшсэн байна.

Т.Ганбат нь 1980-1983 онд Ардын армийн 133 дугаар ангид цэргийн алба хааж, 1984-1986 онд Хөвсгөл аймгийн ардын хэсгийн 5 дугаар шүүхэд нарийн бичгийн дарга, тогтоол гүйцэтгэгч, 1986-1993 онд Хөвсгөл аймгийн ардын хэсгийн 3 дугаар шүүхэд шүүгч, 1993-1994 онд Хөвсгөл аймгийн ардын хэсгийн 3 дугаар шүүхэд нарийн бичгийн дарга, тогтоол гүйцэтгэгч, 2004-2006 онд Хөвсгөл аймгийн шүүхэд нарийн бичгийн дарга, 2006-2012 онд Хөвсгөл аймгийн шүүхийн Тамгын хэлтсийн дарга, 2012 оноос хойш Хөвсгөл аймгийн давж заалдах шатны шүүхийн шүүгч, Иргэний хэргийн давж заалдах шатны 8 дугаар шүүхийн шүүгч, Булган, Орхон, Хөвсгөл аймгийн Иргэний хэргийн давж заалдах шатны шүүхийн шүүгч, Хөвсгөл аймгийн Эрүү, Иргэний хэргийн давж заалдах шатны шүүхийн шүүгчээр ажиллаж байлаа.

 

Тэрээр шүүхийн шинэчлэлийг бодитой хэрэгжүүлэхэд идэвх санаачилгатай ажиллаж, шүүгчийн болон төрийн албан хаагчийн ёс зүйг чанд сахин шударгаар ажилладаг, хамт олныхоо дунд нэр хүндтэй шүүгч байсан юм.

 

Түүний хөдөлмөр, зүтгэлийг үнэлж "Алтангадас одон”, Ардын хувьсгалын 90 жилийн ойн медаль, "Хөдөлмөрийн хүндэт” медаль, Шүүхийн ерөнхий зөвлөлийн "Хүндэт тэмдэг", Улсын дээд шүүхийн "Хүндэт жуух бичиг”, "Хөвсгөл аймгийн тэргүүний ажилтан цол тэмдэг”-ээр шагнажээ.

 

Талийгаачийн хөдөлмөрч, нягт нямбай, төлөв даруу, хүнлэг, залуу үедээ сургамжтай зан чанар нь бидний сэтгэл зүрхэнд үүрд мөнхрөн үлдэх болно.

Талийгаачийн хань, үр хүүхдүүдэд гүн эмгэнэл илэрхийлье.

 

Х.Батсүрэн, Н.Лүндэндорж, Б.Цогт, Д.Эрдэнэчулуун,

В.Оюумаа, Э.Батбаяр, О.Амгаланбаатар

Хөвсгөл аймгийн шүүхийн хамт олон


 

 

Нийтэлсэн zolboo   Үзсэн: 959  
ХЭВЛЭХ
Төсөөтэй мэдээлэл:
Иргэн танд
Санал асуулга
Хандалт
Бидэнтэй нэгдээрэй
«    Арванхоёрдугаар сар 2019    »
MonTueWedThuFriSatSun
 1
2345678
9101112131415
16171819202122
23242526272829
3031