Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
7-10-2019, 10:19   Ангилал: Мэдээлэл  

Ховд, Архангай, Дархан-Уул аймагт сургалт үргэлжилж байна

Шүүхийн ерөнхий зөвлөл, Азийн сангийн хамтран зохион байгуулж буй "Үндсэн хууль ба хүний эрх”, "Шүүгчийн ёс зүй” сургалт Ховд, Архангай, Дархан-Уул аймаг дахь III, IV, V бүсэд өнөөдөр буюу 2019 оны 10 дугаар сарын 07-ны өдөр эхэллээ.

Ховд, Архангай, Дархан-Уул аймагт сургалт үргэлжилж байна

III бүсийн сургалтыг Шүүхийн судалгаа, мэдээлэл, сургалтын хүрээлэнгийн захирал Ц.Мандах, IV, V бүсийн сургалтыг тус хүрээлэнгийн судлаач багш М.Цэдэвсүрэн, Б.Хонгорзул нар нээж, "Үндсэн хууль ба хүний эрх”, "Шүүгчийн ёс зүй” сургалтын зорилго, онцлог, ач холбогдлын талаарх мэдээллийг өгсөн юм.

Сургалтыг Үндсэн хууль ба хүний эрх, шүүгчийн ёс зүйн чиглэлээр бэлтгэгдсэн сургагч багш нар батлагдсан хөтөлбөр, төлөвлөгөөний дагуу удирдан явуулна.

Ховд, Архангай, Дархан-Уул аймагт сургалт үргэлжилж байна

III бүсийн сургалтад Ховд, Баян-Өлгий, Увс аймаг дахь анхан болон давж заалдах шатны шүүхийн шүүгчид, Ховд аймгийн Булган сум дахь сум дундын шүүхийн шүүгчид оролцож байна.

Ховд, Архангай, Дархан-Уул аймагт сургалт үргэлжилж байна

Харин IV бүсийн сургалтад Архангай, Өвөрхангай аймаг дахь анхан болон давж заалдах шатны шүүхийн шүүгчид, Өвөрхангай аймгийн Хархорин сум дахь сум дундын шүүхийн шүүгчид, Завхан аймгийн Тосонцэнгэл сум дахь сум дундын шүүхийн шүүгчид, V бүсийн сургалтад Дархан-Уул, Сэлэнгэ аймаг дахь анхан болон давж заалдах шатны шүүхийн шүүгчид болон Сэлэнгэ аймгийн Сайхан, Мандал сум дахь сум дундын шүүхийн шүүгчид оролцож байгаа юм.

Ховд, Архангай, Дархан-Уул аймагт сургалт үргэлжилж байна

Сургалт маргааш буюу 2019 оны 10 дугаар сарын 08-ны өдөр дуусах бөгөөд сургалтын төгсгөлд "Үндсэн хууль ба хүний эрх”, "Шүүгчийн ёс зүй” гарын авлагыг оролцогчдод өгөх юм.

  

ШҮҮХИЙН СУДАЛГАА, МЭДЭЭЛЭЛ, СУРГАЛТЫН ХҮРЭЭЛЭН

 

Нийтэлсэн zolboo   Үзсэн: 514  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Аравдугаар сар 2019    »
MonTueWedThuFriSatSun
 123456
78910111213
14151617181920
21222324252627
28293031