Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
8-10-2019, 05:44   Ангилал: Мэдээлэл  

Улсын дээд шүүх тэргүүллээ

Монголын шүүхийн шилжин явах цомын төлөөх "Хөлбөмбөгийн аварга шалгаруулах тэмцээн-2019” Дорноговь аймгийн Сайншанд хотноо өнгөрсөн баасан, бямба гаригуудад боллоо.

Улсын дээд шүүх тэргүүллээ

Дөрөв дэх жилдээ уламжлал болгон зохион байгуулж буй уг тэмцээнд12 багийн 200 гаруй тамирчид өрсөлдсөнөөс А.Эрдэнэт ахлагчтай Улсын дээд шүүхийн баг тамирчид гурав дахь удаагаа түрүүлж, алтан медаль, аваргын цом хүртэв. Мөн Х.Гантулга ахлагчтай Захиргааны хэргийн давж заалдах шатны шүүх, Нийслэлийн захиргааны хэргийн анхан шатны шүүхийн хамтарсан баг аман хүзүүдэж мөнгөн медалиар шагнуулав. Гуравдугаар байрт, И.Амартөгс ахлагчтай Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүхийн баг шалгарч, хүрэл медаль хүртсэн юм.

 

Улсын дээд шүүх тэргүүллээ
Тэмцээний "Шилдэг довтлогч”-оор Улсын дээд шүүхийн багийн довтлогч Ц.Билгүүн, "Шилдэг хаалгач”-аар Дорноговь аймаг дахь шүүхийн Тамгын газрын багийн хаалгач Ч.Баатарчулуун, "Шилдэг хагас хамгаалагч”-аар Захиргааны хэргийн давж заалдах шатны шүүх, Нийслэлийн захиргааны хэргийн анхан шатны шүүхийн хамтарсан багийн тамирчин П.Нармандах, "Шилдэг хамгаалагч”-аар Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүхийн багийн тамирчин И.Амартөгс нар тодорлоо.
Улсын дээд шүүх тэргүүллээ
Монголын шүүхийн шилжин явах цомын төлөөх хөлбөмбөгийн аварга шалгаруулах тэмцээнд шүүгч, сагсан бөмбөгийн спортын мастер С.Олзод, волейболын спортын мастер Ш.Гандансүрэн болон хөлбөмбөгийн спортын мастер А.Эрдэнэт, хөнгөн атлетикийн спортын мастер Г.Манлайбаатар зэрэг спортын мастер цолтой 8 тамирчин, дэд мастер цолтой 5 тамирчин, спортын нэг, хоёрдугаар зэрэгтэй 19 тамирчин оролцсон юм.

Энэ удаагийн тэмцээнийг ерөнхий шүүгчээр "Монголын хөлбөмбөгийн холбоо”-ны Дорноговь аймгийн Замын-Үүд сум дахь салбарын тэргүүн Ч.Батзангиа, шүүгчээр Б.Лхагвабаатар, шугамын шүүгчээр Б.Онцгойбаяр, Э.Мөнхнаран нар ажиллалаа.

 Улсын дээд шүүх тэргүүллээ

Ирэх жилийн уламжлалт тэмцээнийг Захиргааны хэргийн давж заалдах шатны шүүх, Нийслэлийн Захиргааны хэргийн анхан шатны шүүх хамтран зохион байгуулахаар болов. 

 

Дорноговь аймаг дахь шүүхийн Тамгын газар

 

 

Нийтэлсэн zolboo   Үзсэн: 636  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Аравдугаар сар 2019    »
MonTueWedThuFriSatSun
 123456
78910111213
14151617181920
21222324252627
28293031