Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
14-11-2019, 05:28   Ангилал: Мэдээлэл  

Олон улсын байгууллагуудын төлөөлөлтэй уулзав

Шүүхийн ерөнхий зөвлөлийн дарга Э.Батбаяр хамтран ажилладаг олон улсын байгууллагуудын төлөөллийг өчигдөр /2019.11.13/ хүлээн авч уулзан, хамтын ажиллагааныхаа талаар ярилцлаа.

Азийн хөгжлийн банкны дэд суурин төлөөлөгч ноён Деклан Магий Азийн хөгжлийн банкнаас хэрэгжүүлж буй "Монгол дахь Авлигатай тэмцэх тогтолцоог бэхжүүлэх” төслийн талаар танилцуулав. Тус төслийн хүрээнд Шүүхийн ерөнхий зөвлөлтэй хамтран авлигын хэргийг мэдээлэх, мөрдөн байцаах, яллах, шүүн таслах ажиллагаанд учир шалтгааны үнэлгээ хийх, АТГ-ын мөрдөгч, УЕПГ-ын прокурор, шүүгч нарын чадавхыг дээшлүүлэх болон авлигатай холбоотой мэдээлэх тогтолцоо, гарын авлага, хууль, журамд өөрчлөлт оруулах зөвлөмжийг боловсруулж ажиллах юм.

Олон улсын байгууллагуудын төлөөлөлтэй уулзав

Азийн сангийн Суурин төлөөлөгч ноён Марк Кэйниг Шүүхийн ерөнхий зөвлөлийн даргатай 2019 оны 05 дугаар сарын 02-ны өдөр байгуулсан Санамж бичгийн хэрэгжилтийн ахиц, дэвшил, цаашид эрчимжүүлэх талаар ярилцлаа. Азийн сантай хамтран цахим шүүх байгуулах харьцуулсан судалгаа хийх, туршлага судлах болон бусад чиглэлээр хамтран ажиллахаар тохиролцов.

Олон улсын байгууллагуудын төлөөлөлтэй уулзав

Үүний дараа Шүүхийн ерөнхий зөвлөлийн дарга Э.Батбаяр Холбооны Бүгд Найрамдах Герман Улсын Ханнс-Зайделийн сангийн Монгол дахь тэргүүн Ц.Сарантуяаг хүлээн авч уулзав. Уулзалтаар 2020 оноос хэрэгжүүлэх төсөл, хөтөлбөр, сургалтын талаар санал солилцож уламжлалт харилцаагаа бататгахын зэрэгцээ хамтын ажиллагааны шинэ боломж, бололцоог эрэлхийлж ажиллахаар тохиролцлоо.

Олон улсын байгууллагуудын төлөөлөлтэй уулзав


Шүүхийн хамтын ажиллагаа, олон нийттэй харилцах газар


 

 

Нийтэлсэн zolboo   Үзсэн: 452  
ХЭВЛЭХ
Төсөөтэй мэдээлэл:
Иргэн танд
Санал асуулга
Хандалт
Бидэнтэй нэгдээрэй
«    Арванхоёрдугаар сар 2019    »
MonTueWedThuFriSatSun
 1
2345678
9101112131415
16171819202122
23242526272829
3031