Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
15-11-2019, 04:49   Ангилал: Мэдээлэл  

Дэлхийн банк группийн Олон улсын санхүүгийн корпорацын Суурин төлөөлөгчтэй уулзав

Шүүхийн ерөнхий зөвлөлийн дарга Э.Батбаяр Дэлхийн банк группийн Олон улсын санхүүгийн корпорацын Монгол Улсад дахь Суурин төлөөлөгч ноён Руфат Алимардановыг өнөөдөр хүлээн авч уулзлаа.

Дэлхийн банк группийн Олон улсын санхүүгийн корпорацын Суурин төлөөлөгчтэй уулзав

Уулзалтын эхэнд ноён Руфат Алимарданов Олон улсын санхүүгийн корпорацын талаар товч танилцуулаад Монгол Улсын хуулийн байгууллагуудад хэрэгжүүлж байгаа "Төлбөрийн чадваргүйдлийг шийдвэрлэх буюу дампуурлын хууль эрх зүйн орчныг сайжруулах”, "Хөдлөх хөрөнгө барьцаалсан зээлийн харилцааг хөгжүүлэх” төслүүдийнхээ талаар мэдээлэл өгөв.

Шүүхийн ерөнхий зөвлөлийн дарга хамтран ажиллахад бэлэн байгаагаа илэрхийллээ. Мөн "Хөдлөх хөрөнгө барьцаалсан зээлийн харилцааг хөгжүүлэх” төслийн хүрээнд 2020 оны нэгдүгээр сараас эхлэн шүүгчдийг чадавхжуулах сургалт зохион байгуулах талаар ярилцав.

Уулзалтад Шүүхийн ерөнхий зөвлөлийн Гүйцэтгэх нарийн бичгийн дарга О.Амгаланбаатар, Шүүхийн хамтын ажиллагаа, олон нийттэй харилцах газрын дарга Б.Биндэръяа, Хууль зүйн үйлчилгээний хэлтсийн дарга С.Билгүүн, Шүүхийн хамтын ажиллагаа, олон нийттэй харилцах газрын мэргэжилтэн С.Гандолгор болон Олон улсын санхүүгийн корпорацын Төслийн удирдагч Б.Батмөнх нар байлцав.


 

Шүүхийн хамтын ажиллагаа, олон нийттэй харилцах газар


Нийтэлсэн zolboo   Үзсэн: 193  
ХЭВЛЭХ
Төсөөтэй мэдээлэл:
Иргэн танд
Санал асуулга
Хандалт
Бидэнтэй нэгдээрэй
«    Арванхоёрдугаар сар 2019    »
MonTueWedThuFriSatSun
 1
2345678
9101112131415
16171819202122
23242526272829
3031