Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
17-05-2018, 13:12   Хэсэг: Шүүхүүд мэдээлж байна   Сэтгэгдэл: 0  

Баян-Өлгий аймаг дахь Шүүхийн тамгын газраас мэдээлж байна

 

"ЗАМЫН ХӨДӨЛГӨӨНИЙ АЮУЛГҮЙ БАЙДЛЫН ТӨЛӨӨ ХАМТДАА” СЭДЭВТ ЗӨВЛӨГӨӨНД "ЗАМ ТЭЭВРИЙН ОСОЛ, ГЭМТ ХЭРГЭЭС УРЬДЧИЛАН СЭРГИЙЛЭХ НЬ” СЭДВЭЭР ИЛТГЭЛ ХЭЛЭЛЦҮҮЛЛЭЭ

Баян-Өлгий аймгийн ИТХ-ын дэргэдэх Гэмт хэргээс урьдчилан сэргийлэх ажлыг зохицуулах салбар зөвлөл, Цагдаагийн газартай хамтран замын хөдөлгөөний аюулгүй байдал, осол гэмтлээс урьдчилан сэргийлэх, тулгамдаж буй асуудлуудыг шийдвэрлэх, цаашид авч хэрэгжүүлэх үйл ажиллагааны талаар санал солилцох зорилго бүхий "Замын хөдөлгөөний аюулгүй байдлын төлөө хамтдаа” сэдэвт зөвлөгөөнийг өчигдөр /2018.05.16/ зохион байгууллаа.



Баян-Өлгий аймаг дахь сум дундын Эрүүгийн хэргийн анхан шатны шүүхийн шүүгч Д.Азжаргал "Зам тээврийн осол, гэмт хэргээс урьдчилан сэргийлэх нь” сэдвээр илтгэл хэлэлцүүлэ1526548440_1.jpgн, уг илтгэлдээ 2013-2017 онд тус аймагт үйлдэгдэж, шүүхээр шийдвэрлэгдсэн зам тээврийн осол, гэмт хэргийн талаарх мэдээ, судалгаа, шалтгаан нөхцөлийг болон дээрх гэмт хэргээс урьдчилан сэргийлэх талаар санал, шүүмжээ танилцууллаа.



Тус зөвлөгөөнд аймгийн Засаг даргын орлогч, Анхан болон давж заалдах шатны шүүх, Прокурорын газар, Цагдаагийн газар, Өлгий сумын ЗДТГ, Аймгийн хууль зүйн хэлтэс, Авто тээврийн төв, Мэргэжлийн хяналтын газар, "Жол” ХХК-ны холбогдох эрх бүхий албан тушаалтнууд оролцож, зам тээврийн хэрэг, ослын шалтгаан нөхцөлийг арилгах, урьдчилан сэргийлэх ажлыг эрчимжүүлэн ажиллахаар боллоо.


Нийтэлсэн zolboo   Үзсэн: 16  
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Та шүүхэд итгэдэг үү?


 
 
Хандалт
Бидэнтэй нэгдээрэй
«    Тавдугаар сар 2018    »
MonTueWedThuFriSatSun
 123456
78910111213
14151617181920
21222324252627
28293031