Шүүхийн зохион байгуулалтын өөрчлөлттэй холбоотойгоор шүүгчийн албан тушаалаас чөлөөлөгдсөн боловч томилогдоогүй шүүгч нар Үндсэн хуулийн Цэц, шүүхэд болон холбогдох байгууллагуудад хандаж, улмаар Нийслэл дэх Захиргааны хэргийн анхан шатны шүүх 2022 оны 02 дугаар сарын 08-ны өдөр 0070 дугаартай шийдвэр гаргаж, нэр бүхий 12 хүнийг шүүгчээр томилуулах саналыг Монгол Улсын Ерөнхийлөгчид өргөн мэдүүлэхийг Шүүхийн Ерөнхий зөвлөлд даалгасан. Шүүхийн ерөнхий зөвлөл 2022 оны 03 дугаар сарын 24-ний өдрийн ээлжит хуралдаанаар энэхүү асуудлыг хэлэлцэн, шүүхийн шийдвэрийг биелүүлж, нэр бүхий 12 хүнийг шүүгчээр томилуулах саналыг Ерөнхийлөгчид мэдүүлэхээр шийдвэрлэсэн талаар Шүүхийн ерөнхий зөвлөлийн гишүүн Э.Зоригтбаатар өнөөдөр сэтгүүлчдийн сонирхсон асуултад хариуллаа.