Хаяг:

Шүүхийн ерөнхий зөвлөл

Тасганы овоо,

Чингэлтэй дүүрэг,

Улаанбаатар хот,

Монгол Улс,

Зип - 15170

Утас: 70008045

Факс: 70007021

Веб сайт: www.judcouncil.mn

И-мэйл: Энэ и-мэйл хаягийг спамботоос хамгаалсан. Та үзэхийн тулд JavaScript идэвхжүүлэх хэрэгтэй.

3 дугаар зүйл.Шүүхийн захиргаа

3.1.Шүүхийн захиргаа нь Ерөнхий зөвлөл, түүний ажлын алба, бүх шатны шүүхийн тамгын газар, судалгааны төв болон бусад туслах нэгжээс бүрдэнэ.

3.2.Шүүхийн захиргаа нь шүүгч, шүүх бүрэлдэхүүнээс хэрэг, маргааныг шийдвэрлэхэд арга зүй, мэдээлэл, судалгаа, санхүү, аж ахуй, техник, зохион байгуулалтын туслалцаа үзүүлэн, ажиллах нөхцөлөөр хангах үндсэн чиг үүрэгтэй байна.

 4 дүгээр зүйл.Шүүхийн захиргааны үйл ажиллагаанд баримтлах зарчим

4.1.Шүүхийн захиргааны үйл ажиллагаанд дараах  зарчмыг баримтална:

   4.1.1.бие даасан, хараат бус байх; 
   4.1.2.шүүн таслах ажиллагаанд оролцох, нөлөөлөхийг хориглох; 
   4.1.3.мэргэшсэн, тогтвортой байх;
   4.1.4.шүүхийн үйлчилгээ шуурхай, хүртээмжтэй байх.

5 дугаар зүйл.Ерөнхий зөвлөлийн бүрэн эрх

5.1.Ерөнхий зөвлөл нь дараах чиг үүргийг хэрэгжүүлнэ:

   5.1.1.шүүгчийн хараат бус, шүүхийн бие даасан байдлыг хангах ажлыг нэгтгэн зохион байгуулах;

   5.1.2.шүүхийн захиргааны үйл ажиллагааг удирдах;
   5.1.3.шүүгчийг хуульчдаас шилж олох;
   5.1.4.шүүгчийн эрх, хууль ёсны ашиг сонирхлыг хамгаалах;
   5.1.5.шүүхийн хүний нөөцийн удирдлагыг хэрэгжүүлэх.

5.2.Ерөнхий зөвлөл нь анхан болон давж заалдах, хяналтын шатны шүүхийн шүүгчдийн зөвлөгөөнд ажлаа тайлагнана

Шүүхийн шийдвэрийн цахим сан

   Шүүхийн Ерөнхий зөвлөлийн даргын 2010  оны 11 сарын 10-ны өдрийн 39 дүгээр захирамжаар батлагдсан “Үндсэн чиглэл”-ийн хэрэгжүүлэх үйл ажиллагааны 1.4.2, 1.4.3-т  Шүүхийн байгууллагаас иргэд, олон нийтэд зориулсан мэдээлэл боловсруулах, түгээх үйл ажиллагааг сайжруулах замаар шүүх, шүүгчийн үйл ажиллагааны талаар үнэн зөв, бодит мэдээллийг хүргэх чадавхийг бэхжүүлэх, шүүхийн шийдвэрийг цахим хуудсанд байршуулж олон нийтийн хүртээл болгох талаар заасны дагуу бүх шатны шүүхийн шийдвэрийг нэгдсэн  цахим санд байршуулах ажлыг зохион байгуулах ажлын хэсэг байгуулагдаж 2012 оны 7 дугаар сараас олон нийтэд хүргээд байна.

   Шүүхийн шийдвэрийг цахим санд байршуулах нь шүүхийн үйл ажиллагааг олон нийтэд ил тод, нээлттэй, хүртээмжтэй байлгах, шүүгч, эрдэмтэн, багш, судлаач, шинжээч, хуульчдад судалгааны ажил хийх, оюутан сурагчдад гарын авлага болгох, хуулийг нэг мөр, зөв хэрэглэх, жишиг тогтоох зорилготой юм.

   Уг цахим санд 2011 оноос хойшхи нийт анхан шатны шүүхийн шийдвэр, тогтоол, шүүгчийн захирамж, шийтгэх (цагаатгах) тогтоол, давж заалдах шатны шүүхийн магадлал, хяналтын шатны шүүхийн тогтоол байрлах бөгөөд хувь хүн, байгууллага, төрийн нууцтай холбоотой шийдвэрээс бусдыг татан авах боломжтой. Мөн нийт шүүхийн цахим хуудас, и-мэйл хаяг, утас, факсын мэдээлэл авч болох бөгөөд шүүх хуралдааны зар, тойм зэргийг үзэх боломжтой.

Шүүхийн шийдвэрийн цахим санг www.shuukh.mn хаягаар хандаж үзнэ үү.

Эрхэм зорилго

    Монгол Улсын Шүүхийн ерөнхий зөвлөлийн эрхэм зорилго нь шүүгчийн хараат бус, шүүхийн бие даасан байдлыг хангах нөхцлийг бүрдүүлэх явдал юм

Алсын хараа

    Иргэдэд хүргэх шударга ёсны үйлчилгээг сайжруулж, шүүхэд итгэх олон нийтийн итгэлийг нэмэгдүүлэх явдал юм

Үнэт зүйл

•    Хараат бус, бие даасан байх
•    Шүүн таслах ажиллагаанд оролцох, нөлөөлөхийг хориглох
•    Мэргэшсэн, тогтвортой, шударга, хариуцлага хүлээдэг байх
•    Шүүхийн үйлчилгээ шуурхай, хүртээмжтэй, бүтээмжтэй байх

Шүүхийн захиргааны тухай хуулиас...